الى اغلى الناس

امي يامنبع طيبه وحنان

بشنو اريد اجازيك ياورده حياتي يلي سوت من الصحراء بستان
وحق رب الكون... وحق رب الكون... منين مااروح اشوف رسمك
على وجوه الناس وعلى الحيطان..

يمه.. يمه .. يمه والله بغيبتك ضعفت.. صرت حاظر ومستقبل مجهول بلا عنوان..

صدكيني يايمه والله مو بس كلام انتي الي ترسمين البسمه بحياتي
انتي ياارق فنان .. انتي يلي بغيابك حياتي عدم وماضل بحياتي طعم...
لا والله ماضل بيها طعم كانك انتي التي تعطين للحياه الالوان؟؟

واليقول باانك ملاك ماكذب.. لا والله ماكذب..حرام اقول عنك انتي انسان..

حتى رب الكون يعرفك.. وقال عنك ..تحت اقدامك يوم القيامه تصير جنان..

لا تبجين يايمه.. لا تبجين يايمه.. تراني يمك ومابعدت عنك لحظه.
مرات اصفن واهيم بدنياي.. واتذكر كلام ال يقول .. تاتي الي التي تعوضك
عن الام.. مااقله غير ياخوي انت وهمـــــان..

الام الي تعبت علي وسهرت الليالي وتحملت جور الايام ومانساها
وحسبالك انساها انت حلمــان..

والي يزعل امه مااقول اله شلون يغمضلك جفن .. بس اقول له راح تقضي
حياتك ظيم وتقضيها تعبــان..

شنو الي اسوي مااوافيك لا يقول ولا فعل وسوف ابقى طول عمري على لحظه زعل منك ندمــان..

واتمنى ان يعذرني ابي ولايزعل مني تراني مانسيته وتره اسمه تاج على راسي
من يصيحون الي يافلان ابن فلان..

بس انت تدري يايابه شنو الام.. وادري بيك عانيت قبلي من خسرت الام وعرفت
شنو معنى الحرمــان..

صدك الناس تسالني انت شبيك ضايج ومقهور واشو انت بااوربا يمك احلى طبيعه
واحلى نسوان..

سنو اقول الهم مو قلبي ورم.. تره غربتي مو بس غربه وطن..
غربتي عن ادفه الاحضان..

مااقول الوطن مو غالي لا والله وتره الوطن يبقى دومه غالي بس حضن الام
اغلى من كل الاوطان...

كلمات اكتر من روعة يسلموا خيوو

يسلمووو دياتك اخى جمال
موضوع رائع
تقبل مرورى

» الناس كسلحفاه
» غربتي بين الناس
» شعان يغفر عنه الناس